Nesta cuarta colaboración co Bloque Nacionalista Galego tiñamos o reto de elaborar un vídeo máis pedagóxico, case tipo explainer. A idea era desenvolver unha narrativa histórica que dese conta de certos fitos que explican a situación idiomática actual e para iso achamos unha fórmula algo arriscada que rematou por ser ideal: unha explicación en forma de investigación policial. Así, utilizamos o imaxinario do cine policíaco (o corcho, as fotos, os fíos, a luz, o arquivo...) para definir visualmente o relato e darlle ritmo a unha peza algo máis longa cas anteriores.